无知才是最恐布我男朋友三年前感染了爱滋病，他告诉我的时候我发了疯一般。那时候心里面想的是他是否有外遇？我会否也感染了？那时候见面都只会吵架。现在回想起来，当时他一定很受伤。过了一段时间，他带我去验血，没有感染。陪着他见医生，接受疗程。了解到这个病只是被很多人标签，恐布化，慢慢心里面的刺都消失，开始接纳这个病。无知其实才是这个病最恐布的地方。
生活的机会和价值好似我一开始讲咁，我自从知道自己感染后，都经历咗好多...挫败过、奋斗过、亦绝望过...我自问算系一个感情丰富嘅人，但过往两年，我嘅情绪都算系最波动嘅两年。依家算回覆番正常，冷静落嚟，我谂我最大嘅变化系我看待事物嘅方式唔同咗。我依家更懂得珍惜身边嘅事物，因为我发现咗一样好重要嘅嘢。
好多人都会觉得，感染后，我地会失去咗几多我会话：“理性地讲，系两样参半；感性地讲，其实我得到嘅更多。”当我喺度列出“得失表”时，我发现我除咗要额外花费时间去睇医生同食药之外，其余失去嘅，都系一啲“机会”例如：因为身体状况，会避开一啲大公司嘅工作机会系怕佢地需要我做身体检查，会俾人知道我嘅身份又或者系同人拍拖嘅几会，因为惊佢会介意，又怕佢知道后会唱通街，亦有可能系移民嘅机会，以及，一堆大家可能已经想像过嘅机会，而因为感染者身份冇咗然后，就会好唔开心咁觉得自己失去咗好多。但首先，就算我地唔系感染者，果成千上万个所谓嘅“机会”我地本身又可以得到几多，又或者尝试去争取过呢？我谂，寥寥可数……既然系咁，何必要为佢地意志消沉甚至哭泣呢？ 再讲返直接面对紧嘅问题，我地可能真系冇咗好多工作嘅机会，但佢地可以成为我地生活嘅全部吗？东家唔打、打西家，冇人会冇咗边个就生存唔到，就算俾你入到间好公司，都唔代表喺好工作环境，或者同事问题都可以系影响你去留嘅重要因素，咁又何必要执着自己系感染者嘅身份呢！
有可能真系会错失一个同人展开新恋情嘅机会，但你唔试，又点知佢唔会接受你？真正爱一个人，系唔会因为你有病而离开你，可惜爱lee样嘢系解释唔到嘅，我地尝试用一个理智啲嘅角度去谂假设你系冇病嘅，但你为咗测试你嘅对象而讹称自己系感染者，佢一声不响就走咗代表啲乜？ 代表佢跟本唔爱你，又或者，佢唔够爱你就算你系健康嘅，将来有难，佢一样会离开你。佢依家嘅离开，系你嘅福气咁点解。当你系真病时，你只在乎你失去咗佢，而唔会好似个例子咁觉得应该庆贺你一早就睇穿佢呢？
由以上嘅事例，失去机会又如何，因为得到亦未必好。所以我地更应该珍惜、善待而家所拥有嘅事物，但如果你真系好不甘于现状嘅，亦不妨为自己制造机会。做唔到lee份工嘅，咪做第二样lor，唔识嘅事，咪去学、去问lor，有时间就装备自己，提升自己当你有“才”，一定有机会俾你去捉紧。
与此同时，我亦想大家谂下，我现在嘅有几多？就搵我自己做个例子：
我系最低落嘅时候，我觉得我失去咗全世界，基于我mb身份，有家人等如冇家人同时，因为我嘅个人问题，我冇钱，冇学业，冇事业，冇恋人……而家有埋个病，冇健康，可能连朋友都会冇晒。但其实，都系我自己谂出嚟，我依家出咗柜，有半个家庭支持我，照顾我，几位知心好友知道我嘅情况，仍然对我不离不弃，虽然学业未完成，lee 啲事情根本唔使急，最重要系人仲健在，right？=] 另外，我亦搵到称心嘅工作，喺前辈悉心栽培下，为自己嘅前途奋斗中，身体情况亦好稳定。
我知道我嘅际遇比好多人好，我真系好好彩，但我希望大家可以谂下点解我会有机会，由之前嘅困局走出嚟，系因为我喺最危急嘅关头做咗啱嘅决定：我冇将自己逼死，我地会受感染，除咗可能系俾人害，好多时候就系做错决定。既然已经返唔转头，我地只好唔好再俾自己错落去，所以我除咗珍惜现有嘅，亦好努力咁为自己制造更多嘅机会。但如果我当时真系行上绝路，就一定唔会发现原来幸福冇离开过我、我亦唔会搵到属于自己嘅“机会”。咁当然，可以坐得喺度睇到我篇嘢嘅人，都未去到果个地步。所以~乐观嘅，请继续乐观下去，去帮助大家；悲观嘅，请你振作，老套讲句：因为黎明前，个天永远系黑暗嘅，只要我地仲生存紧，大家都一定可以搵到属于自己嘅“机会”;]
无论我系唔系感染者，都冇人可以保证我会平平安安活到100岁，咁我又何必时时刻刻介怀呢？希望大家都唔好过份忧心，“人生有几多个十年，最重要活得痛快!!!对得人，拜得神!!!哈哈哈哈!!!!”
其实……依家开始珍惜所拥有嘅我地得到嘅，随时比其他人多~ =]
感谢你，没有嫌弃我感染HIV已经四年有多，从知道自己感染之后，我虽然常常跟自己说：“感染了也没什么大不了。”但在夜阑人静之时，我知道我很在意，我很怕别人知道我感染者的身份，尤其是我喜欢的人，我怕自己的将来只是带病的孤独终老。
那一天，你跟我表白之后，我的心很害怕，怕你嫌弃我是感染者。我心里总是想：“自己感染了，就不好去害其他人。”所以，最后我还是不想骗你，选择了跟你坦白。感谢你，没有嫌弃我，我真的万万的想不到，感染后的我，还有机会遇上愿意接纳我的全部的你。因为你，“感染了也没什么大不了”再不是一句自欺的谎言。
我紧紧抱住他，告诉他：其实爱滋病一点都不可怕这是一个我与我朋友的故事！记起那一夜我朋友约了我到一间咖啡室，他就默默地坐在我的对面。突然他开口说：我中咗招！说完，又再一次陷入沉默之中。我不死心地想问清楚：是爱滋病？他点了点头。那一晚，我们就这样各自回家。
回到家中，我打开电脑不断浏览有关爱滋病的资讯，浏览了三、四个小时感觉有点累，便躺在床上，开始回想今天发生的事。原来不经意间，我已经伤害了我的朋友。我马上打电话约他出来。
见面后，我紧紧抱住他。告诉他：其实爱滋病一点都不可怕。