性健康二三事

只有做測試同檢查先會知道自己係唔係已經受感染。檢查嘅頻密度取決於你有幾經常發生性行為，以及你性伴侶有幾多。測試嘅另一個好處係提早檢查到無被確診嘅性病，亦可以減少你感染同傳播愛滋病嘅風險。

衞生防護中心轄下嘅愛滋病及性病科學委員會於 2020 年 11 月發布了一份文件，針對香港男男性接觸者嘅性病檢測提供建議，其中重申了男男性接觸者一般每年至少進行一次檢測；至於有多於一位性伴侶嘅男男性接觸者，建議每三個月檢測一次。

如果你係性活躍人士，就應該定期做性健康檢查。衞生署嘅社會衞生科、 「壹同」性健康服務、私家診所都可以幫到你。有些體檢中心嘅驗身組合亦包括性傳染病。

衞生署社會衞生科，香港居民係費用全免，而且唔使醫生轉介。欲知詳情，請瀏覽衞生署社會衞生科診所網站。

性病係會互相反覆傳來傳去，所以通知你嘅伴侶係好重要，等佢都可以做測試同接受治療。可能你覺得好難開口，咁「話佢知」呢個服務就可以幫到你！

用安全套同水溶性潤滑劑係可以減低感染性病嘅風險。

接種疫苗可預防甲肝同乙肝。搵家庭醫生檢查你嘅免疫狀況及接種疫苗。猴痘疫苗可以係衞生署社會衞生科診所或壹同性健康服務接種。