答： 衞生署「壹同」性健康服務，是為有高風險感染愛滋病病毒的HeHe及跨仔跨女免費提供一站式預防愛滋病病毒服務。服務包括： (i) 年度全面性健康評估；(ii) 定期梅毒、淋病、衣原體、愛滋病、肝炎病毒篩查；(iii)偶發性病檢查；(iv)性病治療及 (v)性健康同埋情緒輔導服務。

本服務實行會員制，所有會員必須先接受評估為高風險人士，才可接受服務。會員須乎合以下基本條件，包括：

• 年滿16歲或以上
• 居住在香港並符合使用政府資助醫療資格
• 過去三個月曾檢測愛滋病病毒陰性結果(包括快速檢測或自我檢測)

有興趣的可填寫網上申請表格，期後我們會主動與你聯絡

「壹同」性健康服務嘅服務時間同地址，請參考油麻地綜合治療中心 https://www.aids.gov.hk/chinese/itc/main.html

愛滋病輔導及測試服務
https://www.hivtest.gov.hk/tc/hiv_testing/get_test.html

答： 衞生署現推出為HeHe而設的免費甲型肝炎疫苗注射計劃，只需在相隔六個月注射兩劑疫苗，便可終生免疫。
請到下列指定的男性社會衞生科診所登記並安排接受免費疫苗注射，毋須電話預約。（每節服務時間結束前一小時截止登記）

1. 灣仔社會衞生科診所
2. 油麻地社會衞生科診所
3. 粉嶺社會衞生科診所

了解更多

答： 並不等同。愛滋病嘅全名為「後天免疫力缺乏症」，係由人類免疫力缺乏病毒（即愛滋病病毒）攻擊和破壞免疫系統嘅CD4淋巴細胞所引起。由於這種病毒嚴重破壞人類免疫系統，受感染嘅人因而會更容易患上某些癌症同出現各種感染。這些感染趁患者免疫力降低時乘機入侵，所以稱為「機會性感染」。發生這種情況時，愛滋病病毒感染就已經進入愛滋病病發期。

答： 要知道你係唔係感染咗愛滋病，唯一方法係接受測試。大多數感染者可以好多年唔帶任何症狀而繼續正常健康生活；有啲人就可能於感染病毒二至四周後患有流感症狀（常被描述為「大感冒」），包括：發燒、疲倦、喉嚨痛、皮疹、腹瀉和淋巴腫脹等，並可能持續幾日至幾個禮拜。在這段期間（空窗期），感染未能喺愛滋病病毒抗體測試顯示出來，但感染者已經可以把病毒傳染他人，而且傳染性好強。記住：你不能單看外表就知道某某人係唔係已經受感染，接受測試先至係唯一嘅方法。

答： 愛滋病病毒可以經由感染者嘅體液如血液、精液（包括射精前嘅分泌），以及直腸同陰道分泌物等傳播，傳播途徑包括性接觸（包括口交、肛交）同血液接觸（如共用針具）。喺香港，超過75% 嘅人係經由性接觸感染，而近年來更有約半數嘅新病例係透過同性或雙性性接觸感染。

答： 雖然經由口交感染愛滋病嘅風險遠低於肛交，但你也有可能因為替人口交或接受口交（包括含吮陰莖同舔肛）而感染，而替人口交並於口內射精，較單純替人口交而他並無射精，以及接受口交（包括被含吮陰莖及被舔肛）有更高嘅感染風險。增加愛滋病感染風險嘅因素包括病毒數量高、口腔潰瘍、牙齦出血、性器官潰瘍，以及感染性病。

此外，可以經由口交而感染嘅性病包括：梅毒、淋病（俗稱白濁）、性病疱疹、性病疣（俗稱椰菜花）、甲型和乙型肝炎等。

答： 不可以。這些體液的病毒數量不足以感染他人。而可以傳播愛滋病病毒嘅體液包括血液、精液（包括射精前嘅分泌）、直腸同陰道嘅分泌物。

社交或日常嘅接觸例如吻臉、一齊食飯或者共用廁所都不會使你感染愛滋病。此外，沒有證據顯示蚊子可以傳播愛滋病。

答： 愛滋病病毒可以透過共用針筒或鼻索器皿傳播。此外，服用消遣性藥物可以增加感染愛滋病嘅風險。醉酒或者情緒亢奮也會影響你嘅選擇，減低你嘅自制能力，可能導致你做一些清醒時不會做嘅事情，比如唔用安全套發生性行為或者更多粗暴嘅性行為。例如，甲基安非他明（又稱「冰毒」）係非常容易上癮嘅興奮劑，大大增加感染愛滋病嘅風險。資料顯示「冰毒」與同性戀、雙性戀男子之間傳播愛滋病有密切嘅聯繫。

答： 傳統嘅愛滋病病毒抗體測試（抽血）大約可以喺一個禮拜後知道結果，而快速測試（篤手指）則只需20至30分鐘，但後者只係一個篩查。

答： 愛滋病自我檢測係指一個人私下採集樣本、進行檢測及解讀檢測結果嘅整個過程，以了解其感染愛滋病病毒嘅狀況。呢個唔可以作為最終確診之用，只能做初步篩查，任何自我檢測任何陽性結果都必須抽取靜脈血液樣本，送去化驗所再進行確診測試。

對於未能接受現有自願輔導和檢測服務嘅人士，自我檢測可令佢哋自在同方便咁知道自己嘅愛滋病感染狀況。

香港目前並無特定法例規管醫療儀器（包括愛滋病自我檢測套裝）嘅製造、進出口、銷售或使用。用家可係藥房或網上平台購買。用家應從可靠嘅來源購買自我檢測套裝，並建議購買有歐盟認証、經美國食品及藥物管理局核准或通過世界衛生組織資格預審嘅產品。

答： 會。這就是所謂嘅「愛滋病病毒超級感染」。愛滋病病毒嘅新病毒株可取代原有嘅病毒株或與原有嘅並存，影響也因人而異。有啲人可能因為超級感染而加速病情惡化，原因係新嘅病毒株對正在服用嘅抗病毒藥物產生抗藥性。

答： 並不是。你嘅愛滋病測試結果只顯示你嘅感染狀況。愛滋病病毒不一定喺每次發生性行為時傳播，因此，你接受愛滋病測試並不是找出你伴侶係唔係已受感染嘅明智方法。其實，你可以問一問你嘅伴侶有無試過接受測試，並與伴侶傾談一下佢現在同過去有無高風險行為。總之，與伴侶考慮一起接受愛滋病測試就係最好嘅做法。

答： 愛滋病治療已有很大嘅進展，能大大提高感染者嘅存活時間；能夠及早診斷，治療效果就會更好。證據顯示，愛滋病治療對於預防病毒透過性接觸同其他傳染途徑嘅傳播，效果尤其顯著。

你要做嘅係：

• 與醫生協議治療方案；
• 準備面對日常生活上嘅變化，例如放置藥物嘅地方；
• 堅守方案，同醫生傾傾自己一些無法承受嘅藥物副作用。

有效嘅抗愛滋病病毒藥物治療可以

• 使大多數HIV嘅感染者在穩定接受咗抗愛滋病病毒藥物治療後，可將病毒載量減低至到無法被偵測嘅水平，使CD4淋巴細胞數量回復至正常水平，以維持正常嘅免疫力。
• 目前已有明確証據顯示，越早接受治療， 越快見到成效。
• 減少出現機會性感染和愛滋病相關嘅惡性腫瘤。
• 減少一些常見於感染者身上嘅健康問題，例如心血管疾病、腎病、肝病、神經系統併發症，以及多種非愛滋病相關嘅惡性腫瘤和感染等。
• 多項研究顯示，感染者如接受抗愛滋病病毒藥物治療，並能持續抑制病毒以達至無法檢測的水平，就不會透過性接觸傳播愛滋病病毒。然而，這並不代表愛滋病治療可以代替安全套，因治療不能預防其他性病感染。