活動推介
高危求診男士接種疫苗防控甲型肝炎爆發 新！
答： 鑑於近月發現病毒性甲型肝炎個案在已受愛滋病病毒感染的男男性接觸者中異常增加，為控制甲型肝炎在該群組間爆發，政府已安排一次性措施，為到指定公立臨床服務單位就診的目標男男性接觸者在相隔至少6個月免費接種兩劑甲型肝炎疫苗。
2. 感染愛滋病病毒就等同患上愛滋病？
答： 並不等同。愛滋病嘅全名為「後天免疫力缺乏症」，係由人類免疫力缺乏病毒（即愛滋病病毒）攻擊和破壞免疫系統嘅CD4淋巴細胞所引起。由於這種病毒嚴重破壞人類免疫系統，受感染嘅人因而會更容易患上某些癌症同出現各種感染。這些感染趁患者免疫力降低時乘機入侵，所以稱為「機會性感染」。發生這種情況時，愛滋病病毒感染就已經進入愛滋病病發嘅最後階段。
3. 點樣先知道係唔係感染咗愛滋病？
答： 要知道你係唔係感染咗愛滋病，唯一方法係接受測試。大多數感染者可以好多年唔帶任何症狀而繼續正常健康生活；有啲人就可能於感染病毒二至四周後患有流感症狀（常被描述為「大感冒」），包括：發燒、疲倦、喉嚨痛、皮疹、腹瀉和淋巴腫脹等，並可能持續幾日至幾個禮拜。在這段期間（空窗期），感染未能喺愛滋病病毒抗體測試顯示出來，但感染者已經可以把病毒傳染他人，而且傳染性好強。記住：你不能單看外表就知道某某人係唔係已經受感染，接受測試先至係唯一嘅方法。
4. 愛滋病病毒係點樣感染到？
答： 愛滋病病毒可以經由受感染嘅體液如血液、精液（包括射精前嘅分泌），以及直腸同陰道分泌物等，愛滋病病毒感染者透過性接觸（包括口交、肛交）同血液接觸（如共用針具）等途徑傳播開去。喺香港，超過75% 嘅人係經由性接觸感染，而近年來更有約半數嘅新病例係透過同性或雙性性接觸感染。
5. 我會經由口交得到愛滋病嗎？
答： 雖然經由口交感染愛滋病嘅風險遠低於肛交，但你也有可能因為替人口交或接受口交（包括含吮陰莖同舔肛）而感染，而替人口交並於口內射精，較單純替人口交而他並無射精，以及接受口交（包括被含吮陰莖及被舔肛）有更高嘅感染風險。增加愛滋病感染風險嘅因素包括病毒數量高、口腔潰瘍、牙齦出血、性器官潰瘍，以及感染性病。
此外，可以經由口交而感染嘅性病包括：梅毒、淋病（俗稱白濁）、性病疱疹、性病疣（俗稱椰菜花）、甲型和乙型肝炎等。
6. 愛滋病病毒可以經由唾液、汗液或者尿液傳播嗎？
答： 不可以。這些體液的病毒數量不足以感染他人。而可以傳播愛滋病病毒嘅體液包括血液、精液（包括射精前嘅分泌）、直腸同陰道嘅分泌物。
社交或日常嘅接觸例如吻臉、一齊食飯或者共用廁所都不會使你感染愛滋病。此外，沒有證據顯示蚊子可以傳播愛滋病。
7. 我會因吸毒而感染愛滋病嗎？
答： 愛滋病病毒可以透過共用針筒或鼻索器皿傳播。此外，服用消遣性藥物可以增加感染愛滋病嘅風險。醉酒或者情緒亢奮也會影響你嘅選擇，減低你嘅自制能力，可能導致你做一些清醒時不會做嘅事情，比如唔用安全套發生性行為或者更多粗暴嘅性行為。例如，甲基安非他明（又稱「冰毒」）係非常容易上癮嘅興奮劑，大大增加感染愛滋病嘅風險。資料顯示「冰毒」與同性戀、雙性戀男子之間傳播愛滋病有密切嘅聯繫。
8. 愛滋病病毒抗體測試嘅結果要等多長時間？
答： 傳統嘅愛滋病病毒抗體測試（抽血）大約可以喺一個禮拜後知道結果，而快速測試（篤手指）則只需20至30分鐘，但後者只係一個篩查。
9. 利用「家用測試」檢測愛滋病有什麼優點同缺點？
答： 有些人可能會自行使用「家用測試」檢測愛滋病，原因係較能保障私隱；但係同受訓人員進行測試相比，「家用測試」較容易出現假陽性和假陰性情況，因此整體準確度較低。例如，根據美國食品和藥物管理局資料顯示，Ora Quick In-home HIV test家用測試用品嘅靈敏度只有92%，因此，當用佢測試已感染愛滋病病毒嘅人士，每12個測試結果就會有1個假陰性出現（即每12個愛滋病病毒感染者就有1個測唔到）。另外有研究顯示，如果喺愛滋病感染率低嘅地方使用該測試用品，只有88.5%嘅陽性結果是真陽性，即有11.5%為假陽性。注意：「家用測試」只能作為篩查之用（即初步檢測），任何陽性結果都必需再進行抽血化驗以作確認。
此外，由於「家用測試」未能同時提供輔導服務，因此可能出現不良情況，例如測試者未能正確分析結果，以及驗出陽性結果時未能妥善處理等。當驗出陽性結果時，能否轉介到適當嘅愛滋病治療及護理服務亦都係一個重要問題。此外，如果「家用測試」產品來源不可靠、或隨產品提供的資料不正確、或產品儲存不妥當，都可以影響產品嘅質量，導致錯誤診斷，引起不必要嘅焦慮，或延誤診治，直接損害健康。
10. 如果已經感染咗愛滋病，會唔會感染另一種愛滋病病毒？
答： 會。這就是所謂嘅「愛滋病病毒超級感染」。愛滋病病毒嘅新病毒株可取代原有嘅病毒株或與原有嘅並存，影響也因人而異。有啲人可能因為超級感染而加速病情惡化，原因係新嘅病毒株對正在服用嘅抗病毒藥物產生抗藥性。
11. 如果我嘅測試呈陰性，係唔係代表我嘅伴侶就無受感染？
答： 並不是。你嘅愛滋病測試結果只顯示你嘅感染狀況。愛滋病病毒不一定喺每次發生性行為時傳播，因此，你接受愛滋病測試並不是找出你伴侶係唔係已受感染嘅明智方法。其實，你可以問一問你嘅伴侶有無試過接受測試，並與伴侶傾談一下佢現在同過去有無高風險行為。總之，與伴侶考慮一起接受愛滋病測試就係最好嘅做法。
12. 如果愛滋病病毒測試呈陽性反應，我有乜嘢可以做？
答： 愛滋病治療已有很大嘅進展，能大大提高感染者嘅存活時間；能夠及早診斷，治療效果就會更好。證據顯示，愛滋病治療對於預防病毒透過性接觸同其他傳染途徑嘅傳播，效果尤其顯著。
你要做嘅係：
- 與醫生協議治療方案；
- 準備面對日常生活上嘅變化，例如放置藥物嘅地方；
- 堅守方案，同醫生傾傾自己一些無法承受嘅藥物副作用。
13. 接受愛滋病治療會有乜嘢好處？
- 過去數年，愛滋病嘅治療都好有效，感染者依然可以享受豐盛嘅生活，及擁有接近正常嘅壽命；
- 如果盡快接受愛滋病治療，生活可以同以前一樣；如果無治療，就好似真係等死
- 治療可能帶來副作用，但相比過往，嚴重程度已經較低，而且也處理得較好。
只要把體內愛滋病病毒數量減低至檢測唔到嘅水平，傳播病毒給伴侶嘅機會率就會明顯降低。然而，這並不代表愛滋病治療可以代替安全套，但可以肯定嘅係，確實減少整體傳染嘅風險。