乜嘢係愛滋病病毒？-
愛滋病病毒嘅學名係「人類免疫力缺乏病毒」。感染咗佢，免疫系統就無法除掉這個病毒，亦即係代表一生人都會同這個病毒並存。
愛滋病病毒能夠長時間潛伏在人體裡面，並攻擊免疫系統嘅CD4淋巴細胞。時間越長，愛滋病病毒就破壞越多CD4淋巴細胞，使身體不能抵抗外來嘅感染同疾病。
雖然目前愛滋病病毒感染仍然無法根治，但現時已有抗病毒藥物，可以抑制病毒複製，以及修復免疫系統嘅功能。因此，接受愛滋病治療嘅人士同樣可以過健康同有質素嘅生活。
乜嘢係愛滋病？-
愛滋病嘅學名係「後天免疫力缺乏症」，係由愛滋病病毒所引致。如無接受治療，約半數嘅愛滋病病毒感染者會係十年內發病為愛滋病患者。相反，接受治療就可預防愛滋病同明顯壽命會長咗。換句話說，其實唔係所有人感染愛滋病病毒都會進入這個病發階段。
一旦進入這個階段，免疫系統已經嚴重受損，令到患者容易受到一啲通常對健康嘅人不會致病嘅病菌和病毒感染，即係所謂「機會性感染」。在香港，如果有一個或者多個機會性感染如肺囊蟲肺炎，結核和真菌感染，或某些惡性腫瘤出現，即係話你已經病發成愛滋病患者。所以，只有接受愛滋病治療先至係延緩病發嘅唯一方法。
有啲咩病徵？-
大多數感染者多年來都可以無任何病徵，看起來亦健康正常。即使有病徵出現，亦都會根據個人體質和處於唔同嘅疾病階段而有所不同。