活動
紅絲帶中心夥拍香港同志影展宣傳電影活動
《生命的承諾》以璀璨浮華嘅荷李活為背景，講述洛杉磯抗擊愛滋病病毒嘅一段引人入勝嘅故事，當中尤其頌讚感染者、醫生、伊莉莎伯泰萊等具影響力嘅電影明星，以及推動洛杉磯愛滋病項目（APLA）嘅先驅等一班付出非凡努力嘅勇敢人士，團結集合起來改革這一場毀滅性嘅流行病發展軌跡。
紅絲帶中心參與"香港同樂運動會"節慶村
第十一屆同樂運動會首次喺亞洲（香港）舉行，並以「在多元中團結」為主題。運動會節目包括共融體育、藝術和文化活動。中心藉住呢個機會宣傳做HIV測試嘅重要性，除左將精美紀念品派發俾選手，中心亦去左喺中環Vitality Park舉行嘅節慶村設置攤位遊戲，與眾同樂！
紅絲帶中心夥拍香港同志遊行宣傳恆常HIV測試及安全性行為
香港同志遊行今年喺觀塘The Wave舉辦展覽、攤位、工作坊，主題係「同志一日空間：彩虹GPS教識我的三件事」。紅絲帶中心致力宣傳安全性行為及做HIV測試嘅重要訊息，除左喺佢哋嘅社交媒體宣傳外，我地亦喺現場設置攤位遊戲，派發精美宣傳品，反應熱烈。
紅絲帶中心參與"一點粉紅" 2023
中心今年繼續參與“一點粉紅”，活動重返戶外場地，於西九文化區藝術公園舉行，主題係《LOVE OUT LOUD》。當日陽光普照，節目非常精彩，吸引大批市民參加，場面熱鬧。中心今年除左派發預防HIV訊息嘅宣傳品外，攤位遊戲更吸引大量參加者參與。
紅絲帶中心夥拍香港同志影展宣傳電影活動
《愛有罪》故事發生喺80年代初，講述三名年輕男同志 Ritchie、Roscoe 和 Colin黎到倫敦開始新生活，一齊尋歡作樂增廣見聞。然而，一種新病毒突然崛起，當佢地正為此感到憂心，社會充斥住各種對呢個病嘅謠言，令佢地喺人地眼中視為威脅同埋恐懼，佢地會點樣面對呢？
紅絲帶中心參與"一點粉紅" 2022
同去年一樣，紅絲帶中心今年繼續參與“一點粉紅”於九龍國際展貿中心舉辦嘅活動。喺呢個以不同性小眾人士為對象嘅大型活動，中心今年宣傳以男男性接觸者及跨性別人士為對象嘅性健康調查，亦喺社區攤位區派發精美宣傳品，宣傳安全性行為及預防愛滋病嘅訊息，吸引左大批參加者到來。
紅絲帶中心夥拍香港同志遊行宣傳愛滋病自我檢測
香港同志遊行呢個平台，今年喺荔枝角D2 Place舉辦彩虹市集，中心繼續宣傳安全性行為及預防愛滋病訊息，除了喺佢哋嘅社交媒體宣傳外，我們亦喺現場派發精美宣傳品，推廣「HIV自我檢測」計劃。
紅絲帶中心夥拍香港同志影展宣傳電影活動
《同一天台上》係一套溫馨小品，講述潮爆靚仔網紅奉植日夜拍片，線上總是笑騎騎，線下卻認為愛情好過屁。他的摰友河那最近和其男友分手，就這樣帶著愛貓搬進奉植的家。彼此性格天南地北，卻同在天台上講東講西，分享很多人生與愛情的有趣時光和內心說話。難得有一知己，是多麼的動容幸運；能夠看到這部青春新世代友情與浪漫史的電影，是多麼的溫暖窩心！
紅絲帶中心參與"一點粉紅" 2021
"一點粉紅"嘉年華呢個大型同志平台，今年以實體形式喺九龍灣國際展貿中心舉行，紅絲帶中心繼續宣傳安全性行為及愛滋病自我檢測。我哋嘅攤位派發精美宣傳品，吸引大批參加者。
紅絲帶中心夥拍香港同志遊行宣傳愛滋病自我檢測
香港同志遊行呢個平台，今年可以實體形式喺觀塘The Wave舉行，重點宣傳由本中心開展嘅「HIV自我檢測」計劃，除了喺佢哋嘅社交媒體宣傳外，我們亦喺現場作推廣，讓多啲人參與呢個既方便、又免費、同時保障私隱嘅檢測計劃。
紅絲帶中心夥拍香港同志影展宣傳電影活動
《幸運女神》係一套溫馨又感人嘅喜劇。Alessandro和Arturo已經一起超過十五年，縱然仍然相愛，關係卻開始陷入危機。一天，Alessandro的閨蜜忽然出現，請求他們幫忙照顧孩子數天。可是，二人萬料不到，這兩名孩子將會為他們的生活帶來翻天覆地的轉變，並為他們日漸乾涸的愛情帶來了新的轉機。
紅絲帶中心參與"一點粉紅" 2020
雖然"一點粉紅"嘉年華呢個大型同志平台未能夠以實體形式進行，中心以多文發佈形式參與佢地嘅網上串流，繼續宣傳愛滋病檢測。
紅絲帶中心夥拍香港同志影展宣傳電影活動
一套浪漫惹笑嘅喜劇，《結婚哪有那麼男》講述Antonio同Paolo決定結束愛情長跑，結婚共渡餘生。兩個男同志，為咗得到家人同朋友嘅祝福，佢哋越過重重難關，不怕艱辛，飛返家鄉宣告婚事，他們能否有美滿結局呢？
紅絲帶中心夥拍香港同志遊行宣傳
今年再次夥拍香港同志遊行呢個平台，重點宣傳一個由本中心開展嘅「HIV自我檢測」計劃，除了喺同志遊行嘅網站宣傳外，都會喺同志場所作推廣，希望多啲人參與呢個既方便、又免費、同時保障私隱嘅檢測計劃。