活得健康啲

要

• 多食蔬果、全穀類同豆類食物
• 多食含蛋白質嘅食物，咁就可以幫助增強肌肉同免疫系統。含有豐富蛋白質嘅食物包括雞蛋、奶製品、瘦肉、豆類同堅果。
• 選擇高鈣食物例如魚類、貝類、綠葉蔬菜、牛奶、豆腐、乾果、堅果同芝麻，原因係鈣同維生素D有助預防骨質疏鬆。另外，亦都要每日花10至15分鐘嘅時間吸收溫和嘅陽光。
• 徹底清洗同煮熟食物。
• 在旅行嘅時候，尤其去到一些衞生條件比較差或者水質可能有問題嘅地方，只可以選擇飲瓶裝水，以及避免食冰塊或者飲未經高溫消毒嘅牛奶。

唔好

• 食高糖份或者添加糖份嘅飲品同食物
• 飲酒精類飲品
• 食生嘅或者未煮熟嘅食物，例如蛋、蠔、刺身同煙燻火腿
• 飲用湖泊、池塘、河流或者溪流嘅水

有吸煙習慣嘅感染者比無吸煙嘅更加容易有其他嚴重疾病，包括慢性阻塞性肺病、心臟病和中風、肺癌、頭頸癌同肛門癌。戒煙係可以幫助提高你嘅生活質素，令你過得更加好。

有關戒煙嘅詳細資訊，請瀏覽戒煙小貼士