按時服藥好重要
- 愛滋病病毒藥物可以減少體內愛滋病病毒嘅數量，以及修復及強化免疫系統嘅功能，更能抵抗感染。
- 多項研究顯示，感染者如接受抗愛滋病病毒藥物治療，並能持續抑制病毒以達至無法檢測的水平，就不會透過性接觸傳播愛滋病病毒。
- 按時服藥有助於預防耐藥性。漏食藥會令耐藥性更容易產生。當愛滋病病毒對您正在服用的 藥物產生耐藥性，會限制咗成功治療愛滋病病毒的選擇。耐藥性菌株愛滋病病毒亦可以傳播俾其他人。
唔記得食藥，點算？
如果漏咗食藥，啲病毒就有機會勁升。你嘅免疫系統就會變得弱咗，會容易引起其他感染。
你應該：
- 一知道漏食藥就同醫生講，然後即刻補食。下一次食藥時間跟番平時嘅時間。(除非你醫生同你講啲唔同嘅做法）
- 同醫生傾吓，考慮轉用其他治療方案以配合你嘅生活情況。
偵測唔到病毒載量，須繼續服藥嗎？
當抗病毒藥物發揮作用，病毒載量就會喺幾個月後跌到去一個檢測唔到嘅水平，免疫系統亦會開始修復。要一直按時服藥，才可保持病毒在低水平同保住健康，否則病毒載量就會反彈。