愛滋病病毒感染者/患者嘅權利

根據《殘疾歧視條例》，愛滋病感染者/患者唔受就業、教育、服務、使用設施、參與活動等方面嘅歧視、騷擾或者中傷，而這些保障包括佢哋嘅屋企人同有關聯嘅人士。請瀏覽平等機會委員會網站了解更多資料。

愛滋病病毒感染者/患者嘅權利包括：

• 醫院或者診所不可以基於佢地係感染者而拒絕提供治療。
• 同其他市民一樣，愛滋病病毒感染者/患者同佢哋嘅屋企人都可以根據相同的資格獲得福利服務
• 如果僱主為咗確認僱員嘅愛滋病病毒感染狀況而刻意逼令僱員做測試，即屬違法。
• 如果僱主因為僱員感染愛滋病病毒或者有愛滋病而解僱僱員，亦屬違法。
• 如果愛滋病病毒感染者/患者嘅同事得悉感染者/患者嘅情況而加以迴避、騷擾或中傷，則屬抵觸法例。

所有愛滋病病毒感染者/患者遭受直接或間接歧視、騷擾或者詆毀嘅情況，都可以搵平機會幫手，佢哋甚至會將個案提交法院。平等機會委員會會根據要求，協助愛滋病病毒感染者/患者作出法律訴訟，當然事件亦會保密處理。平機會嘅電話號碼係2511 8211。

除咗平機會，你都可以搵本地嘅愛滋病服務團體幫手同畀建議。