吸毒、酒精

啪野同飲酒有乜問題？

愛滋病病毒可以透過共用針筒或鼻索器皿傳播。此外，因酒精同吸毒嘅影響可以增加感染愛滋病嘅風險。醉酒或者情緒亢奮也會影響你嘅選擇，減低你嘅自制能力，可能導致你做一些清醒時不會做嘅事情，例如唔用安全套搞嘢或者更多粗暴嘅性行為。

• 搞到你頭腦唔清醒：吸毒可能搞到你做嘢同講嘢都變得騎喱，而且令你無記性、降低諗嘢、正常學嘢或做嘢嘅能力。
• 搞到你身體唔舒服：吸毒可能搞到你皮膚變差、陽痿同尿失禁，同時會令你老得快啲，更加易病，甚至死亡。
• 搞到你傾家蕩產：吸毒係可以搞到你使好多錢，如果唔係點會有咁多吸毒嘅人被迫犯罪或者受制於拆家嘅操控之下。記住唔好咁樣浪費金錢。
• 打亂你嘅人生大計：干犯同吸毒有關嘅刑事罪行代表你唔可以進入如日本、加拿大同美國等國家，進一步限制你嘅選擇，更難搵工做。

本地男男性接觸者使用消遣性毒品/物質情況

根據衞生署「HARiS -2020年愛滋病預防項目指標調查」顯示：

8.6%嘅男男性接觸者搞嘢前同進行嘅時候會吸毒。其中芳香劑(Poppers) 最爲常見(70.9%)，其次為冰毒(48.0%)及GHB(40.2%)。性行爲期間使用毒品/物質者(chemsex user)的愛滋病病毒測試比率亦較非使用者為高。