玩還玩，帶眼識人

利用互聯網或者交友app來建立男男性接觸關係嘅趨勢有明顯增加跡象。研究顯示，使用互聯網建立性關係嘅男男性接觸者通常都有唔安全嘅性行為。此外，在網上、酒吧同社交活動識朋友都好唔同。網上交友非常多樣化，但亦可能係造假。因此，有幾點一定要記住：

• 唔好隨意將手機號碼或電郵畀人。
• 唔好將個人性感照放上網。
• 小心網上睇到嘅相可能係假！當你哋見面嘅時候，樣貌可能同網上嘅好唔同。
• 初次約會，最好喺公眾地方例如酒吧或咖啡店。
• 如果佢嚟你度，你要畀佢覺得有其他人會陪你一齊。
• 如果你去佢度，就一定要小心！覺得唔對路，就要即閃。
• 如果你打算同陌生人搞嘢，記住要做足安全措施，帶埋安全套同潤滑劑。
• 如果情況失控，唔好再諗，去搵同志組織幫手，甚至找法律方面嘅幫忙意見。