主頁 > 安全啲.愛多啲 > “咁玩” 係咪安全啲? > 風險知多D
風險知多D
係嘅,但係...唔代表1仔就無感染愛滋病嘅風險。愛滋病病毒係好易喺1仔傳染到0仔身上,但無一個性角色是完全安全嘅。
記住:
- 0仔感染愛滋病嘅風險更加大,但做1仔都可以感染愛滋病;
- 很多男同志就算做1仔都感染咗愛滋病。
唔啱!如果扑嘢唔戴套,感染咗愛滋病嘅人喺體內射精就有好大機會傳染畀人。但係,愛滋病病毒亦都會喺射精之前嘅分泌物裡面搵到,病毒可以經肛門壁或在扑嘢時經被整損嘅黏膜進入體內。
記住:
- 爆漿前將「細佬」抽出來並唔係阻止愛滋病傳播嘅有效方法;
- 好多男同志無畀人內射都可以感染到愛滋病。
係好啲,但係......「檢測唔到」嘅病毒載量係指你血液中嘅病毒含量非常低,亦通常直接反映病毒喺精液內嘅含量,但唔一定係百分之百一樣。精液中嘅病毒載量亦可能因為其他性病而有所增加。
喺大多數情況下,你係唔知道嘅。有啲愛滋病感染者會揀唔戴套同其他感染者搞嘢。同樣,有啲無受感染嘅人會揀唔戴套同佢哋假設都係無受感染嘅人搞嘢。咁嘅假設非常常見,但係絕不可靠。
記住:
- 好少男同志喺扑嘢之前會講佢哋嘅愛滋病狀況,可以講係絕無僅有;
- 愛滋病感染者可能假設你同樣係感染咗;
- 無受感染嘅人可能假設你同佢一樣。
我同固定伴侶一齊時無用安全套,我咁樣安唔安全?
+
唔安全,但係......你可以同佢協商一下有關安全性行為嘅做法。兩個無受愛滋病感染嘅人喺穩定嘅關係下,同對方透露自己嘅愛滋病病毒狀況、討論性行為嘅風險,以及承諾對方喺唔戴套扑嘢之前,重覆做愛滋病測試,其實都係你哋之間嘅協定。所有同其他穩定關係以外嘅玩伴發生嘅任何性行為,則必須要戴上安全套。
愛滋病病毒理論上可以透過口交傳播。至今,我哋仲未能夠了解口交傳播愛滋病病毒嘅確實風險。
愛滋病病毒唔係經常透過口交傳播,就算係都通常係由1仔傳播畀0 仔。如果發生下列情況,口交傳播愛滋病病毒嘅風險就會增加:
- 1仔有好高嘅病毒載量;
- 發生口爆嘅情況;
- 0仔口腔損咗,愛滋病病毒就更易入侵人體。
接吻(法式濕吻除外)
口水唔會傳播愛滋病,所以接吻係安全嘅性活動,但係要注意接吻嘅時候,爛口係可能會接觸到血液。
按摩 / 性摩擦
同佢摩擦身體係無傳播愛滋病嘅風險,但係要注意按摩油會整穿安全套。
打飛機
打飛機係一種好普通嘅性活動,係完全唔會傳播同感染愛滋病同性病。互相打飛機係指兩個人彼此接觸或者摩擦對方嘅生殖器,被認為係唔會傳播病毒嘅安全性活動,但係用對方嘅精同射精前分泌做潤滑劑就會有風險。
指交
指交嘅意思係用手指玩肛門,咁樣傳播愛滋病嘅風險都比較低,但要注意嘅係要剪短手指甲同除晒所有戒指,唔好整損肛門壁。指交之後,亦都一定要洗手,以免感染腸道疾病。
舔肛
舔肛就係指用咀巴接觸肛門。只要無傷口同流血,舔屁眼都算安全;不過就比較容易感染甲型肝炎同導致腸道感染。用口腔保護膜或者塑膠膜,可減低風險。
口交
口交傳染愛滋病病毒嘅風險較低,但係如果過程中有血,風險就會增加。要注意其他可經由性接觸傳播嘅疾病(如梅毒、淋病、性病疣同性病疱疹),都可以經口交而傳播。
拳交
拳交嘅意思係將手插入對方嘅肛門,可能對肛門壁造成嚴重嘅傷害,好易傳播愛滋病病毒或者丙型肝炎病毒。如果畀人拳交嘅人之後再做0仔畀人入,或者0仔嘅肛門畀人用已有精液或者血液嘅手指或性玩具插入,情況就會更加嚴重。最不堪設想嘅係0仔更可能會因為畀人拳交而導致腸道穿窿,而拳交0仔嘅人亦可能因為佢手有割傷或者刮傷嘅傷口而感染愛滋病病毒。拳交之前,一定要除晒手錶同手上所有首飾,重要嘅係要用乳膠手套同矽性潤滑劑保護大家係相當重要。
性玩具
愛滋病病毒同其他性病可以透過共用例如假陽具、振動器和肛塞等性玩具而互相傳播。每次用性玩具之前都要戴上安全套,而用喺唔同人身上時又要更換新套防止愛滋病傳播。
穿環
好多人認為喺身體和生殖器上穿環係會產生快感。但需要注意以下幾點:
- 如果生殖器穿環,喺肛交時可能會整損刮傷0仔嘅肛門。
- 穿環可能會整爛安全套。
- 有時新配嘅穿環部位會受到感染,就應避免扑嘢,等好番為止,否則會增加感染愛滋病嘅機會。
- 同紋身一樣,穿環係用針刺穿皮膚,因此,如果針頭喺用之前未充分消毒,就好容易傳播愛滋病、乙肝和丙肝,甚或其他性病。