重點
丙型肝炎係由肝炎病毒引起嘅，會損害肝臟，後果可以好嚴重。
到現時為止，仲未有預防丙型肝炎嘅疫苗出現，而預防甲型同埋乙型肝炎嘅疫苗係抵抗唔到丙型肝炎嘅。
喺香港，因為男男性接觸而感染愛滋病病毒嘅人裡面，經由性接觸而感染丙型肝炎嘅個案，近年有急增嘅趨勢。
性接觸傳播多數係因為無套肛交而得嚟嘅。
同大多數性病一樣，持續正確使用安全套可以有效預防感染丙型肝炎。
吸毒嘅人要注意嘅係，千祈唔好同其他人共用針筒同埋其他注射器具。
咩係丙型肝炎？ 丙型肝炎係由「丙型肝炎病毒」引起，可以透過受污染嘅血液或者血液製品，以及性接觸所傳染。感染丙型肝炎病毒之後，病毒會開始攻擊肝臟，帶嚟急性或者慢性丙型肝炎，而當中又以慢性肝炎比較常見。
感染「丙型肝炎病毒」之後會有咩後果？ 大多數人喺感染「丙型肝炎病毒」嘅初期並無任何症狀；佢哋可能同病毒喺埋一齊好多年，而唔知道已經受到感染。少數感染者可能喺急性階段出現一啲症狀，包括發燒、成身好攰、食慾不振、肚痛、反胃、嘔吐，甚至黃疸等。 大約八成感染者嘅病患會發展成為慢性丙型肝炎，最終可能演變成肝硬化、肝癌，甚至死亡。
丙型肝炎有幾常見？ 香港整體人口嘅丙型肝炎病毒感染率大約係百分之 0.3。 自 2000 年開始，一直有海外報告指出，男男性接觸者經由性接觸而感染急性丙型肝炎嘅數目正一路持續上升，尤其係愛滋病病毒感染者所佔比例最大，喺歐洲、澳洲、美國和亞洲都出現呢個升勢。2000 年至2012 年期間，本港衞生署就診嘅男男性接觸感染愛滋病病毒嘅個案裡面，丙型肝炎病毒感染率為百分之 1.3，係整體人口感染率嘅4倍。此外，喺 2013 年衞生署就診嘅愛滋病病毒感染者當中，亦接連發現有男男性接觸者經性接觸而感染急性丙型肝炎嘅個案，意味丙型肝炎喺呢個群組可能有上升趨勢。
由於丙型肝炎主要係經由血液傳染，共用器具注射毒品嘅人士感染嘅風險最高，但係性接觸都可以傳染。
另外，無套肛交、有幾個性伴侶、使用消遣性藥物和患有性病（例如梅毒）等等嘅因素，都同感染丙型肝炎有關。
根據美國一項調查顯示，男男性接觸而感染愛滋病嘅人裡面，新近感染丙型肝炎嘅人士有不同嘅風險因素。（右圖）
1. 安全性行為；
2. 千祈唔好共用針筒器具；每次都應該使用即用即棄嘅注射器具。
3. 千祈唔好共用個人物品，例如剃刀、牙刷同埋指甲鉗等等。
4. 針灸、穿耳或者紋身嘅刺針同埋其他儀器都應該經過消毒同埋/或者即用即棄。
可以用血液測試檢測「丙型肝炎病毒抗體」嚟測試得到。如果同一時間感染愛滋病同埋丙型肝炎病毒，身體可能未必製造得夠抗體出嚟檢測，咁就可以用「病毒載量測試」嚟驗得到。 感染愛滋病病毒嘅人士應該定期接受丙型肝炎病毒嘅檢查。
香港提供丙型肝炎病毒抗體測試服務嘅機構
有丙型肝炎病毒嘅人應該接受醫生嘅評估，方便觀察肝臟嘅變化。而家有啲藥物包括干擾素 (Interferon, Pegylated interferon) 同埋利巴韋林 (Ribavirin) 可以用嚟治療丙型肝炎。另外，有啲比較新嘅製劑好似蛋白酶抑制劑已經喺治療上用得愈嚟愈多。 治療開始之前，一定要考慮病情嘅嚴重程度，同埋病人對嗰啲藥物嘅禁忌，以及治療成功嘅機會等等。但係相比起淨係有丙型肝炎嘅人，感染愛滋病病毒嘅人嘅丙型肝炎治癒率相對有限。 如果你懷疑自己可能感染丙型肝炎病毒，咁就要快啲睇醫生啦！
大部分患有急性肝炎嘅人都可以好得返晒；
終身免疫兼且唔會成為慢性帶有病毒嘅人。
會引起急性肝炎同埋可以發展成慢性肝病，包括肝硬化同埋肝癌；
大約百分之五到十有呢個病嘅大人係清除唔到病毒，成為慢性帶有病毒嘅人。
多到有八成嘅急性患者清除唔到病毒，仲會演變成長期帶有病毒嘅人。
因為大部分有呢個病嘅人都係一啲徵狀都無；
一有徵狀，就好似重感冒咁樣，例如發燒、成身好攰、肌肉痛、頭痛、食慾不振、反胃同埋肚痾等等。如果病情轉差會有黃疸 (皮膚變到黃色，連眼白都黃色)。
大部分係經由受污染嘅食水或者食物（尤其係蠔、蜆呢啲雙殼類海產）傳播；
性接觸傳播：好似舔肛，舔到啲咁哚糞便就會感染。
大部分係經由母嬰傳播；
其次就係經由唔安全嘅性行為傳播，好似肛交同埋口交等等；
共用針筒或者注射器具。
大部分係經由共用針筒或者注射器具傳播；
小部分係經由性接觸傳播，好似肛交同埋拳交，尤其係男男性接觸愛滋病者或有性病嘅人。
衞生最緊要 - 其實你根本就要！煮嘢食之前同埋去厠所之後必須用梘液洗乾淨雙手；
淨係飲已經煲滾嘅水或者樽裝水。食物必須徹底洗乾淨同埋煮熟，尤其蠔、蜆呢啲雙殼類海產。
避免進行任何可能會接觸到他人糞便嘅行為、或接觸可能受糞便污染嘅物件。
記住搞嘢一定要安全 (即係要戴套呀！！！！)；
唔好共用性玩具，好似假陽具。如果性玩具畀血整污糟咗，要用一比四稀釋家用漂白水洗乾淨；
千祈唔好共用針筒器具，每次都應該用即用即棄嘅注射器具 (換言之，就係唔好 take 嘢！總之就係唔好！)；
千祈唔好共用個人用品，例如剃刀、牙刷同埋指甲鉗等等 (千祈唔好問人借指甲鉗)；
針灸、穿耳同埋紋身嘅刺針或者器具必須消毒或者即用即棄；
講到乙型肝炎方面，如果已經知道性伴侶有乙型肝炎病毒，即刻請教家庭醫生。
建議有風險行為（好似口交、肛交或者無固定性伴侶）嘅男男性接觸者接種。
一般嚟講，接種疫苗後要兩至四個禮拜後先會產生抗體發揮保護作用。
建議所有人接種 (唔係淨係同志)
無預防疫苗呀！！！
如果有咩徵狀都好，即刻請教家庭醫生；
就算無醫過，免疫系統通常都可以自行清除病毒。
有慢性乙型肝炎病毒嘅人可以接受「干擾素」或者抗病毒藥物嘅治療。
可以接受藥物治療，例如「干擾素」同埋「利巴韋林」，但唔係所有人都可以醫得好。
1.
咩係愛滋病同埋丙型肝炎合併感染？
答：
合併感染即係患者同時感染咗愛滋病病毒同埋丙型肝炎病毒。
2.
如果同時感染咗愛滋病同埋丙型肝炎，情況係咪會差啲？
由於感染愛滋病病毒嘅人嘅免疫力較低，所以丙型肝炎病毒好難清除。而且感染丙型肝炎嘅人如果同時感染愛滋病病毒，即使 CD4 淋巴細胞維持喺高水平，佢嘅肝炎病情將會更加嚴重，惡化嘅速度將會更加快。
3.
丙型肝炎對於愛滋病有啲乜嘢影響？
丙型肝炎令愛滋病嘅治療變得更加複雜。因為大多數抗愛滋病病毒嘅藥物需要靠肝臟分解，所以慢性丙型肝炎會增加藥物對肝臟所帶嚟嘅毒性影響。
4.
感染愛滋病病毒嘅人應該去接受丙型肝炎病毒測試嗎？
感染愛滋病病毒嘅人應該定期接受丙型肝炎病毒測試。
5.
懷疑畀丙型肝炎感染之後幾耐，抗體測試先會呈陽性反應？
懷疑畀丙型肝炎感染可以進行「丙型肝炎病毒抗體」血液測試作為診斷。通常，受感染之後嘅六到八個星期，「丙型肝炎病毒抗體」嘅測試結果可以呈陽性反應，亦都可能延長至六個月不等。但係由於急性丙型肝炎多數無症狀出現，所以成日無法及時確診。
6.
如果患上丙型肝炎嘅人無任何症狀出現，佢會唔會將個病傳染畀人咖？
會！即使無任何病徵，患者都可以將病毒傳染畀其他人。
7.
邊啲風險因素會令丙型肝炎易啲變成慢性感染？
風險因素包括：
咩係丙型肝炎？ 
丙型肝炎有幾常見？
