愛滋病併發症

愛滋病病毒破壞患者嘅免疫力，併發出一般健康人不受影響嘅感染，就叫做「機會性感染」。單憑名字就可以知道，病毒係趁住有機可乘而肆虐，導致健康出現問題。

常見嘅機會性感染包括呼吸道併發症如肺囊蟲肺炎、肺結核和胞內鳥結核分支桿菌感染。神經系統同腸胃道也通常會受影響，例如巨細胞病毒視網膜感染同隱球菌引起嘅腦膜炎。此外，有些病毒可以引起惡性腫瘤如卡波西氏腫瘤以及淋巴瘤等。

• 常見嘅愛滋病病毒併發症（衞生署2012年出版）

好多機會性感染都可以預防同醫好嘅，但係如果患者持續處於免疫力差嘅狀態，疾病就會好容易復發。除咗抗病毒藥物治療，患者通常亦需要長期接受其他藥物治療，防止機會性感染復發，直到免疫系統恢復滿意水平為止。