性生活

多項研究顯示，感染者如果接受抗愛滋病病毒藥物治療並能夠持續抑制病毒以達至無法檢測水平，就唔會透過性接觸傳播HIV。

但當你因唔用套而感染埋其他性病，除咗有機會影響你嘅病情，治療其他性病嘅藥物也有機會影響抗愛滋病病毒藥物嘅效能。

雖然病毒載量在無法被偵測水平最少六個月以上，經由性傳播HIV嘅機會是微乎其微，但開始治療到達傳染性微乎其微都需要一段時間。當你嘅病毒載量未達到無法被偵測水平，除了使用安全套外，你嘅伴侶亦可以考慮使用暴露前預防藥物去預防感染。

當兩個患上不同類型HIV病毒嘅感染者，喺未有效控制病情之下有不安全性行為，就可能會互相傳染各自的病毒，即係所謂「愛滋病病毒超級感染」。新嘅病毒株可以代替原有嘅病毒株，又或者同原有嘅病毒株混合產生變種。有啲人可能因為超級感染而加速病情惡化，原因係新嘅病毒株對服用緊嘅抗病毒藥物產生抗藥性。

除非雙方都確定能長時間維持病毒載量喺無法被偵測水平，否則應繼續使用安全套。

如果你唔知你伴侶係咪感染咗愛滋病，你多數都唔知佢有無其他性病，所以，為保護你自己同你嘅伴侶，記住要用安全套。再者，如果你哋兩個計劃一齊，就要坐下來傾傾，邀請佢去做測試，一齊協定有關安全性行為嘅做法。