無知才是最恐佈我男朋友三年前感染了愛滋病，他告訴我的時候我發了瘋一般。那時候心裡面想的是他是否有外遇？我會否也感染了？那時候見面都只會吵架。現在回想起來，當時他一定很受傷。過了一段時間，他帶我去驗血，沒有感染。陪著他見醫生，接受療程。了解到這個病只是被很多人標籤，恐佈化，慢慢心裡面的刺都消失，開始接納這個病。無知其實才是這個病最恐佈的地方。
生活的機會和價值好似我一開始講咁，我自從知道自己感染後，都經歷咗好多...挫敗過、奮鬥過、亦絕望過...我自問算係一個感情豐富嘅人，但過往兩年，我嘅情緒都算係最波動嘅兩年。依家算回覆番正常，冷靜落嚟，我諗我最大嘅變化係我看待事物嘅方式唔同咗。我依家更懂得珍惜身邊嘅事物，因爲我發現咗一樣好重要嘅嘢。
好多人都會覺得，感染後，我地會失去咗幾多我會話：「理性地講，係兩樣參半；感性地講，其實我得到嘅更多。」當我喺度列出「得失表」時，我發現我除咗要額外花費時間去睇醫生同食藥之外，其餘失去嘅，都係一啲「機會」例如：因爲身體狀況，會避開一啲大公司嘅工作機會係怕佢地需要我做身體檢查，會俾人知道我嘅身份又或者係同人拍拖嘅幾會，因爲驚佢會介意，又怕佢知道後會唱通街，亦有可能係移民嘅機會，以及，一堆大家可能已經想像過嘅機會，而因爲感染者身份冇咗然後，就會好唔開心咁覺得自己失去咗好多。但首先，就算我地唔係感染者，果成千上萬個所謂嘅「機會」我地本身又可以得到幾多，又或者嘗試去爭取過呢？我諗，寥寥可數……既然係咁，何必要爲佢地意志消沉甚至哭泣呢？ 再講返直接面對緊嘅問題，我地可能真係冇咗好多工作嘅機會，但佢地可以成爲我地生活嘅全部嗎？東家唔打、打西家，冇人會冇咗邊個就生存唔到，就算俾你入到間好公司，都唔代表喺好工作環境，或者同事問題都可以係影響你去留嘅重要因素，咁又何必要執着自己係感染者嘅身份呢！
有可能真係會錯失一個同人展開新戀情嘅機會，但你唔試，又點知佢唔會接受你？真正愛一個人，係唔會因爲你有病而離開你，可惜愛lee樣嘢係解釋唔到嘅，我地嘗試用一個理智啲嘅角度去諗假設你係冇病嘅，但你爲咗測試你嘅對象而訛稱自己係感染者，佢一聲不響就走咗代表啲乜？ 代表佢跟本唔愛你，又或者，佢唔夠愛你就算你係健康嘅，將來有難，佢一樣會離開你。佢依家嘅離開，係你嘅福氣咁點解。當你係真病時，你只在乎你失去咗佢，而唔會好似個例子咁覺得應該慶賀你一早就睇穿佢呢？
由以上嘅事例，失去機會又如何，因爲得到亦未必好。所以我地更應該珍惜、善待而家所擁有嘅事物，但如果你真係好不甘於現狀嘅，亦不妨爲自己製造機會。做唔到lee份工嘅，咪做第二樣lor，唔識嘅事，咪去學、去問lor，有時間就裝備自己，提升自己當你有「才」，一定有機會俾你去捉緊。
與此同時，我亦想大家諗下，我現在嘅有幾多？就搵我自己做個例子：
我係最低落嘅時候，我覺得我失去咗全世界，基於我mb身份，有家人等如冇家人同時，因爲我嘅個人問題，我冇錢，冇學業，冇事業，冇戀人……而家有埋個病，冇健康，可能連朋友都會冇晒。但其實，都係我自己諗出嚟，我依家出咗櫃，有半個家庭支持我，照顧我，幾位知心好友知道我嘅情況，仍然對我不離不棄，雖然學業未完成，lee 啲事情根本唔使急，最重要係人仲健在，right？=] 另外，我亦搵到稱心嘅工作，喺前輩悉心栽培下，爲自己嘅前途奮鬥中，身體情況亦好穩定。
我知道我嘅際遇比好多人好，我真係好好彩，但我希望大家可以諗下點解我會有機會，由之前嘅困局走出嚟，係因爲我喺最危急嘅關頭做咗啱嘅決定：我冇將自己逼死，我地會受感染，除咗可能係俾人害，好多時候就係做錯決定。既然已經返唔轉頭，我地只好唔好再俾自己錯落去，所以我除咗珍惜現有嘅，亦好努力咁爲自己製造更多嘅機會。但如果我當時真係行上絕路，就一定唔會發現原來幸福冇離開過我、我亦唔會搵到屬於自己嘅「機會」。咁當然，可以坐得喺度睇到我篇嘢嘅人，都未去到果個地步。所以~樂觀嘅，請繼續樂觀下去，去幫助大家；悲觀嘅，請你振作，老套講句：因爲黎明前，個天永遠係黑暗嘅，只要我地仲生存緊，大家都一定可以搵到屬於自己嘅「機會」;]
無論我係唔係感染者，都冇人可以保證我會平平安安活到100歲，咁我又何必時時刻刻介懷呢？希望大家都唔好過份憂心，「人生有幾多個十年，最重要活得痛快!!!對得人，拜得神!!!哈哈哈哈!!!!」
其實……依家開始珍惜所擁有嘅我地得到嘅，隨時比其他人多~ =]
感謝你，沒有嫌棄我感染HIV已經四年有多，從知道自己感染之後，我雖然常常跟自己說：「感染了也沒什麼大不了。」但在夜闌人靜之時，我知道我很在意，我很怕別人知道我感染者的身份，尤其是我喜歡的人，我怕自己的將來只是帶病的孤獨終老。
那一天，你跟我表白之後，我的心很害怕，怕你嫌棄我是感染者。我心裡總是想：「自己感染了，就不好去害其他人。」所以，最後我還是不想騙你，選擇了跟你坦白。感謝你，沒有嫌棄我，我真的萬萬的想不到，感染後的我，還有機會遇上願意接納我的全部的你。因為你，「感染了也沒什麼大不了」再不是一句自欺的謊言。
我緊緊抱住他，告訴他：其實愛滋病一點都不可怕這是一個我與我朋友的故事！記起那一夜我朋友約了我到一間咖啡室，他就默默地坐在我的對面。突然他開口說：我中咗招！說完，又再一次陷入沉默之中。我不死心地想問清楚：是愛滋病？他點了點頭。那一晚，我們就這樣各自回家。
回到家中，我打開電腦不斷瀏覽有關愛滋病的資訊，瀏覽了三、四個小時感覺有點累，便躺在床上，開始回想今天發生的事。原來不經意間，我已經傷害了我的朋友。我馬上打電話約他岀來。
見面後，我緊緊抱住他。告訴他：其實愛滋病一點都不可怕。