“BB呀，對唔住呀！”三年以來，我一直都只係同男朋友一齊，咁兩個人拍拖又傾好咗唔會出去偷食，我自然就好放心啦。咁有次出去同個MEMBER FRIEN啲聚舊講開，佢話比我知最近同人BB所以走咗去驗血，講到好恐佈咁，咁我都有提過下我同男朋友嘅事，佢聽完就同我講一定要去驗血，男朋友都未必係想像中，可能佢都有偷食過。我就緊係唔信啦，但係聽完又覺得未必冇可能，咁就把心一橫約埋佢去驗啦。點知佢又好爽快應承我，我心都定一定。過幾日，同佢一齊去咗間MEMBER組織驗血，第一次驗都真係緊緊地張，好彩有佢陪我，但我見到佢好似冇咩野咁，我都估到應該係冇咩特別嘅一件事。我男朋友驗咗先，喺我等佢嘅呢半個鐘，真心難捱。好唔容易終於有人叫我，咁我就入埋去間房，個職員同我男朋友嘅氣氛都冇咩特別，“BB呀，對唔住呀！我中咗HIV，半年前我飲醉酒，咁個晚就同咗個唔識嘅人冇載套上床”......
雖然我就冇感染到，心入面只係有啲擔心佢，我都知佢直接同我坦白係難嘅，所以我都原諒咗佢，反正就只係一個病而已。
一個問題，令我不知如何回答知道感染了HIV ，當刻並沒有太大感覺。 只是覺得好似是要常常覆診有點麻煩， 一路到了去醫院、 去食藥， 心情都只是平平淡淡， 去到甚麼時候才知驚呢！ 估也估不到的是公司秘書走來問我為甚麼前排請了幾天病假， 向來都不懂講大話的， 立刻不知道如何答他！
覺得好好彩？一年前因染上了“冰”這種不良嗜好，有過好多次唔安全性行為，我都有定期去做測試，都冇咩事嘅，覺得好好彩，最多以後嘅SP都精挑細選下。
就係咁過咗年半度啦，出嚟嘅結果就係HIV同syphilis都中咗，我都知出事架啦，但冇諗過兩樣野一齊中晒，個下成個人都冇咩反應，吽下吽下咁等到確診，唯有就醫，雖然知道終有一日會出事，但都有幾日唔開心，改變生活習慣繼續落去啦。
佢教我，有病唔係罪過我好想支持感染咗嘅朋友，最近身邊有一位感染咗嘅朋友，我見到HIV改變咗佢好多，即使有病，佢都冇灰心，反而更加有動力去生活。
戒煙，戒酒，做運動，整個人多咗種活力嘅感覺，佢教我，有病唔係罪過亦冇為佢造成挫敗，希望可以同大家一齊活出自己嘅人生。
我亦都好想鼓勵大家，HIV也可以生活得很精彩的。加油！